蘭芳園

中環結志街

時間上午十一點半

D餐：奶油朱、茄湯薯仔火腿通粉、熱奶茶

奶茶：

一路上斜街已遠遠聞到茶香，近觀督見水吧師傅正落力沖泡不用飲品，特別係茶記必備奶茶，馬上令人食脂大動。點餐時慕名來一杯，淡淡茶味奶味於口中宕蕩，茶味遠遠比奶味香濃、幼滑，事實上奶味只隱隱約約出現於舌頭上。盛器為普通膠杯，膠杯缺點係少了沖擦時所產生之張力及保溫，張力令奶味茶味更加出眾、保溫則使味道更加不易流失，個人最愛既長沙灣新華茶餐廳就仍然保留呢一點。回歸正題，奶茶構造於中段仍沒有散開，不錯。尾段時茶味會殘留在口中舌上，杯底可見有深色茶底，此茶定必經過一番功夫，我絕對會再次品嘗！

奶油朱：朱仔包脆而不乾，煉味份量適中，佐餐一流！本人未試過翠華的同稱名物，不便比較，但相信斷不會比其差。

茄薯腿通：如此紅紅湯底送通絕對值得再食！雖然未至於有濃郁蕃茄味，卻體會到其十分心思，未食已在心中加分；薯仔火腿雜菜粒，成碗美食色彩繽紛，若果胃納容許，連湯帶料一併吃下，絕對表達到對廚師既欣賞。

消費$31

康樂茶冰廳 2014-04-21

荃灣新村街

星期一中午十二點

午餐：叉燒湯意，火腿餐包奄列，熱奶茶

套用一句話，舊式茶餐廳/冰廳 能生存至今時今日，總有一兩樣比較出色既地方。網上觀之，康樂茶冰優秀之處應為其凍飲類，凍奶茶咖啡鴛鴦，可惜經驗不足未有留意，下次定必再嘗。遍觀顧客所點，冷飲居多，係夏天/天氣關係？

熱奶茶上枱：奶味茶味普通，未有特別；所用盛器為普通三花淡奶杯，保溫普通，中段茶味始出，尾段可見茶底濃色，舌頭上有茶味殘留。總括未算優秀，下次再試凍檸茶方知自茶底一、二。

奄列：煎蛋有火喉，不算油利，size不算太大，略切三份。

叉燒意，小菜一碟，不值一提。

消費$33

西環：祥香園茶餐廳

西環堅尼地城卑路乍街107號

西環三寶之一

搭電車往堅尼地城方向，總站落車行五分鐘到

出名產物為：奶茶、菠蘿油、蓮容雞尾包、脆皮蛋撻、沙爹牛肉麵。

今日飲過出名既奶茶，普通玻璃杯盛載，茶香、味濃、奶適中，飲到底既時間難得見到有深啡色既茶底，可見茶的比例很重。如果問會唔會再黎飲，我相信會有第二次。

菠蘿油，時間關係，已經不熱。咬第一啖既時候，牛油味好出，又香又濃，好想再食！菠蘿皮薄薄一層不算突出，但因著牛油既關係，我會再試！

臨走時再試脆皮蛋撻，蛋味牛油味都好足夠，再加上個人鐘意既脆皮，雖然係五點既時間，但不失為一個醒神小食。Like!

中國餐室 2014-04-05

廣東道1077號A鋪

下午兩點

熱奶茶、咖央多、叉蛋麵

奶茶：入口奶滑、茶味緊而濃，茶不算香，夠熱，兩名主角的位置大致平衡；黑白淡奶陶瓷杯，保溫尚差一點點。中段再飲，略溫熱，平衡依然，茶味不大但奶仍香仍滑。尾段再啜，奶與茶開始散開，淡奶的質、味殘留，茶卻更香濃。最後，比較有趣、難忘既相信係茶味留在舌頭又濃又「燙」，這種餘韻。。。是未完的待續？

咖央多：多士簿、略脆、咖央醬平均分佈在表面，食落淡淡椰甜，重點為平均分佈、小甜不「利」。八蚊兩份，下午茶、閒聊必備小食，好比西式的high tea！

叉蛋雙拼福字麵：最特別既地方相信係用福字麵底，不惜工本；叉燒薄薄幾片，浸在湯中，不韌；快煎雙蛋，普普通通但不失為一個好既陪襯。

$29麵餐+$8咖央多。超值！